Astro Consultation
horoscope

Library

Narsingh Ashtak Kavach

Narasimha is always shown with a lion face with clawed fingers fused with a human body. Sometimes he is coming out of a pillar signifying that he is everywhere, in everything, in everyone. Some temples such as at Ahobilam, Andhra Pradesh, the iconography is more extensive, and includes nine other icons of Narasimha

श्रीमदकलङ्कपरिपूर्णशशिकोटि- श्रीधर मनोहरसटापटलकान्त ।

 

पालय कृपालय भवाम्बुधिनिमग्नं दैत्यवरकाल नरसिंह नरसिंह ॥ १ ॥

 

 

पादकमलावनतपातकिजनानां पातकदवानलपतत्रि वरकेतो ।

 

भावनपरायण भवार्तिहरया मां पाहि कृपयैव नरसिंह नरसिंह ॥ २ ॥

 

 

तुङ्गनखपङ्क्तिदलितासुरवरासृ- क्पङ्कनवकुङ्‌कुमविपङ्किलमहोरः ।

 

पण्डितनिधान कमलालय नमस्ते पङ्कजनिषण्ण नरसिंह नरसिंह ॥ ३ ॥

 

 

मौलिषु विभूषणमिवामरवराणां योगिहृदयेषु च शिरस्सु निगमानाम् ।

 

राजदरविन्दरुचिरं पदयुगं ते धेहि मम मूर्ध्नि नरसिंह नरसिंह ॥ ४ ॥

 

 

वारिजविलोचन मदन्तिमदशायां क्लेशविवशीकृतसमस्तकरणायाम् ।

 

एहि रमया सह शरण्य विहगानां नाथमधिरुह्य नरसिंह नरसिंह ॥ ५ ॥

 

 

हाटककिरीटवरहारवनमाला- ताररशनामकरकुण्डलमणीन्द्रैः ।

 

भूषितमशेषनिलयं तव वपुर्मे चेतसि चकास्तु नरसिंह नरसिंह ॥ ६ ॥

 

 

इन्दुरविपावकविलोचन रमाया मन्दिर महाभुजलसद्वररथाङ्ग ।

 

सुन्दर चिराय रमतां त्वयि मनो मे नन्दितसुरेश नरसिंह नरसिंह ॥ ७ ॥

 

 

माधव मुकुन्द मधुसूदन मुरारे वामन नृसिंह शरणं भव नतानाम् ।

 

कामद घृणिन् निखिलकारण नयेयं कालममरेश नरसिंह नरसिंह ॥ ८ ॥

 

 

अष्टकमिदं सकलपातकभयघ्नं कामदमशेषदुरितामयरिपुघ्नम् ।

 

यः पठति सन्ततमशेषनिलयं ते गच्छति पदं स नरसिंह नरसिंह ॥

.

speak to our expert !

Speak to our Experts and get instant assistance regarding any query you may have.